domingo, 10 de xaneiro de 2021

Doar palabras .

 DOA é un programa de participación cidadá para a achega de datos léxicos. Desde o Instituto da Lingua Galega levan décadas promovendo, por múltiples vías, a recolleita e difusión do inmenso patrimonio léxico de Galiza, sempre apelando ao saber e complicidade dos seus donos e donas, os galegofalantes.



DOA

xoves, 7 de xaneiro de 2021

7 de xaneiro de 1950

 Tal día coma hoxe, o 7 de xaneiro de 1950, finaba en Buenos Aires Castelao. “Dicir o seu nome é dicir Galiza, ou viceversa”, retratou Antón Villar Ponte na resposta ao seu discurso de ingreso na Real Academia Galega (1934).



domingo, 6 de decembro de 2020

FUNDACIÓN DO PARTIDO GALEGUISTA.6 DE DECEMBRO DE 1931

 

 


Partido Galeguista (histórico) - Wikipedia, a enciclopedia libre
 

 O 6 de decembro de 1931 fúndase o Partido Galeguista. Na VII Asemblea Nacionalista celebrada durante o 5 e 6 de decembro no salón de festas do Hotel Madrid de Pontevedra acórdase a creación dun partido político que aglutinase o galeguismo. Constitúese deste xeito o Partido Galeguista e disolvéndose as Irmandades da Fala e defínense o modelo organizativo e os principais obxectivos. Nesta histórica asemblea de constitución acórdase reclamar por vez primeira na historia de Galiza o dereito de autodeterminación e márcase como primeiro obxectivo político do partido a redacción dun Estatuto de Autonomía. Alexandre Bóveda sería nomeado Secretario de Organización e Castelao e Otero Pedrayo formarán parte do Consello Executivo. O seu órgano de prensa foi A Nosa Terra. A Federación de Mocedades Galeguistas, sección xuvenil do Partido Galeguista, fúndase en xaneiro de 1934 contando con 1.000 afiliados. Formarán parte do PG toda unha xeración de nacionalistas que fixo posible a consecución do Estatuto de Autonomía de 1936. O 25 de xaneiro de 1936 aprobouse o ingreso do Partido Galeguista na Fronte Popular para concorrer nas eleccións xerais de 1936 con cinco candidatos galeguistas, Castelao, Bóveda, Xerardo Álvarez Gallego, Ramón Suárez Picallo e Antón Vilar Ponte. Despois do golpe de estado do 36 o réxime fascista poñería o punto de mira nos membros do Partido Galeguista sendo asasinados moitos dos seus membros. Outros desde o exilio seguirán a súa liña chegando a constituír en outubro de 1944 o Consello de Galiza.